നീ വന്നു
മഴത്തുള്ളികളുടെ മധുരത്തിൽ
നിന്റെ ചിരി ചേർന്നു
എന്റെ ഹൃദയത്തിൽ ഒഴുകി
ഒരു ചെറുനദി
സുഗന്ധം നിറഞ്ഞൊരു ഒഴുക്ക്,
പാട്ടുപാടുന്നൊരു യാത്ര
എന്റെ വരണ്ട കരകളിൽ നീ
പൂക്കൾ വിരിയിച്ചു
കണ്ണുകളിൽ വെളിച്ചം വീണു
എന്നാൽ…
നദികൾ അറിയുന്നു
ഒരേ വഴിയിൽ ഒരിക്കലും ഒഴുകാനാവില്ലെന്ന്
എന്റെ സ്വപ്നങ്ങൾക്കും
നിന്റെ ജീവിതത്തിനും വഴി രണ്ടാണ്
നമുക്കിടയിൽ കാലത്തിന്റെ
തിരമാലകൾ
മാസങ്ങൾക്കു ശേഷം
ഒരു പാലത്തിന്മേൽ ഞാൻ...
മറുവക്കിൽ നീ..
കണ്ണുകളിൽ സന്തോഷം,
നീ കൈവീശി…
ഞാൻ കൈവീശി…
ഇടയിൽ മായാനദി
തിരിച്ചു ചേരാനാകാത്തൊഴുക്ക്..
മഴ വീണ്ടും പെയ്യും
നീ വീണ്ടും ഒഴുകും
കരകളിൽ വസന്തം വിടർത്തും
അപ്പോൾ ഞാൻ തിരിച്ചറിഞ്ഞു
നീയൊരു മായാനദി
ആണെന്ന്
No comments:
Post a Comment